Kona-ba Ha'u
Moris iha Uatolari (postu antiga)
iha loron 24 Dezembru 1979, maibé tuir sasin balun sira katak moris loloos mak
iha tinan 1978, Batizmu ho naran Natalio Raimundo Soares, naran ne'ebé ha'u
nian tia Madre Celeste (Matebian) mak tau tanba moris iha kalan Natal no naran ne'ebé
ha'u nia aman rasik mak hameno hela, antes ha'u nia aman husik is iha momentu ne'ebá.
Moris ho bin ida, Ha'u nia aman (Raimundo Soares) mate antes ha'u moris hafoin
sofre tiru husi militár Indonézia iha foho Matebian hafoin família sira evakua
ba ai laran iha momentu ne'ebá. Ha'u nian inan Madalena Sarmento Alves (mate
iha tinan 2010, hafoin moras durante loron balun iha Uatolari).
Bainhira tama tinan 7 hahú tama
eskola no frekuente eskola husi tinan dahuluk to'o tinan ba dalimak iha Eskola Báziku
(SD Negeri 7 Afaloicai) Uatolari, husi tinan 1986 to'o 1990 iha tinan hanesan
pasa ba Klase VI no muda mai Dili, kontinua estudu iha Eskola Báziku (SD Negeri
7 Kamea) Bekora, Dili.
Iha tinan 1990 ramata Eskola Báziku
no tama Eskola Primária iha SMP Negeri I Dili husi tinan 1992 to'o 1994, (Iha
tinan dahuluk eskola iha UNTL nia fatin agora) no iha tinan daruak no datoluk
eskola refere muda ba Comoro (Agora EP 30 de Augusto).
Iha tinan 1994 ramata Eskola Primária
no kontinua ba Eskola Sekundária, iha tinan ne'ebá ha'u kontinua ba SMA iha SMA
Theresiana Salatiga (Central Java), Indonézia. Ho tulun husi família liu-liu
Tiu, tia (inan kiik) tenta dudu atu bele hetan esperiénsia hodi frekuente
eskola ne'ebé ho nivel aas liu ho nune'e haruka ha'u ba sidade Salatiga. Husi
tinan 1994 to'o 1997 hela iha sidade Salatiga. 1997 ramata Eskola Sekundária no
tama ba nivel universitáriu, iha momentu ne'ebá ha'u iha hakarak atu bele tama
iha Universidade Públiku sira iha Indonézia, maibé tanba lá pasa iha ezame
selesaun ba Universidade Públiku nian ho nune'e ha'u deside tama iha Eskola Vokasionál
ida STIMIK-AKI Semarang no foti Departamentu Jestaun Informátika, ikus mai
eskola refere muda ba Universidade iha tinan 2002 ho naran UNAKI Semarang
(Universitas Abadi Karya Indonesia). Iha situasaun polítika Timor-Leste nian
iha 1999, hafoin konsulta popular, ha'u deside para estudu tanba razaun financial
no família enfrenta difikuldade atu bele apoiu kontinua ha'u nian estudu.
Iha períodu emerjénsia, ha'u koko
atu bele hetan oportunidade ruma hodi bele hetan netik serbisu ruma ho nune'e
iha Outubru-Dezembru 1999, serbisu nudar Data Entry Clerk iha programa Nasoins
Unidas, WFP World Food Program, iha Baukau.
Husi Marsu 2000 to'o Dezembru 2000,
nu'udar Logistic Assistant iha Cruz Vermella Internasionál-ICRC iha Dili.
Hafoin iha períodu tranzisaun, Bispu
Dom Carlos Filipe Ximenes Belo, liu husi Fundasaun Dom Carlos, liu husi BBSP
(Bishop Belo Scholarship Program), oferese Bolsu Estudu ba Timoroan sira ne'ebé
antes ne'e hala'o estudu iha Indonézia hodi bele kontinua hikas estudu iha Indonézia.
Ho nune'e ha'u tenta atu bele hetan oportunidade ida ne'e, ho nune'e iha Janeiru
2001 ha'u fila fali ba Semarang hodi bele ramata ha'u nian estudu iha Outubru
2003, Graduadu nu'udar Lisensiatura iha area Siénsia Komputadór (S.KOM).
Bainhira ramata estudu iha fin do
ano 2003, iha fulan Dezembru 2003 ha'u fila mai Timor.
Karreira Profisionál:
Janeiru 2004 hanesan tinan dahuluk
ba ha'u hodi hahú ha'u nian karreira, nu'udar IT Staff iha TIDS (Timor
Institute of Development Studies), Bekora, Dili, to'o Novembru 2006.
Dezembru 2006 t0'0 Fevereiru 2008
hanesan ICT Officer iha GIZ (German Technical Cooperation) ohin loron muda
naran ba GIZ.
Marsu 2008 to'o Augusto 2017 nu'udar
Asesór Nasionál ba area TIK (Teknolojia Informátika no Komunikasaun) iha Ministériu
da Agrikultura no Peska (MAP).
Junho 2018 - Agora: UN WFP ICT Operations Associate & Security Focal Point.
Junho 2018 - Agora: UN WFP ICT Operations Associate & Security Focal Point.
Esperiénsia serbisu seluk:
Durante hala'o serbisu iha ha'u nian
karreira, iha mós serbisu balun ne'ebé ha'u halo maibé ho karater insidénsia de'it,
hanesan tuir mai:
Iha tinan 2009, Apoiu ba Asosiasaun
Advogadu Timor-Leste (AATL), hodi dezeña website;
2010-2011, Fornese serbisu Informátiku
nian ba EDC, Projetu USAID;
2013-2014, Fornese serbisu dezeña
website ba NGO Hamoris Timor Oan-HTO;
2013-2014, Fornese serbisu dezeña
website ba Kampaña Paya's Sister Corporation;
2014-agora, Fornese serbisu Informátiku
nian ba Hotel
Ramelau;
2018, Fornese serbisu Informátiku
nian ba Jornál Diáriu Suara Timor Lorosa'e.
2010, funda no sai na'in ba Kompana Sanres
Multicom Unipessoal Lda., Timor Hosting Unipessoal Lda. no Jornal Online TImor
Expose, Lda.
Abilidade iha area Teknolojia
Informasaun no Komunikasaun (TIC)
Sistema Operasaun: Windows, Linux no
MacOS
Aplikasaun: Gráfiku, Audio Visual no
Dezeñu/Dezenvolvimentu Website
Rede: Instalasaun no Jestaun
Abilidade iha Multimedia no Digitalizasaun Musika
Hatene oinsa utiliza aplikasaun hanesan CakewalPro Audio, FLStudio, Logic Pro X no selukt tan, ho nune'e harii home recording studio rasik no hanaran DOERO-PRO (husi lian Naueti, manu ida nia naran, nebe'e gosta lian iha dader no nunka para).
Hatene mos oinsa utiliza aplikasaun video edit ba nivel baziku sira.
Abilidade iha Multimedia no Digitalizasaun Musika
Hatene oinsa utiliza aplikasaun hanesan CakewalPro Audio, FLStudio, Logic Pro X no selukt tan, ho nune'e harii home recording studio rasik no hanaran DOERO-PRO (husi lian Naueti, manu ida nia naran, nebe'e gosta lian iha dader no nunka para).
Hatene mos oinsa utiliza aplikasaun video edit ba nivel baziku sira.
Abilidade iha Lian
Lian Malaiu: Ko'alia (Di'ak),
Hakerek (Di'ak), Lee (Di'ak)
Ingles: Hakerek (Natoon), hakerek (Natoon),
Lee (Natoon)
Portuguese: Kolia (Uitoan), Hakerek
(Uitoan), Lee (Uitoan)
Kursu Profisional sira:
1. Computer Technician - LPK Budiman, Semarang 2003;
2. Graphic Design - LPK Budiman, Semarang 2003;
3. Web Design - LPK Budiman, Semarang 2003;
4. Novel Netware - LPK Budiman, Semarang 2003;
5. Windows Server Administering - LPK Budiman, Semarang 2003;
6. Linux Server Administering - LPK Budiman, Semarang 2003;
7. Linux Open Source - ICT-TL, 2008;
8. Asia Source ICT Camp, Manila 2009;
9. Governo Electronico, Maputo 2011;
10. ICT ba Lideransa, DNICT-UNCT, Dili 2012;
11. ICT ba Lideransa, DNICT-UNCT, Dili 2014;
12. Mikrotik, MTCNA Citraweb, Jogjakarta, 2016;
13. Laravel Framework, IMKOM Academy, Jogjakarta 2016;
14. GEMS Mobile, Bangkok 2019.
Esperiénsia iha organizasaun sira:
Kursu Profisional sira:
1. Computer Technician - LPK Budiman, Semarang 2003;
2. Graphic Design - LPK Budiman, Semarang 2003;
3. Web Design - LPK Budiman, Semarang 2003;
4. Novel Netware - LPK Budiman, Semarang 2003;
5. Windows Server Administering - LPK Budiman, Semarang 2003;
6. Linux Server Administering - LPK Budiman, Semarang 2003;
7. Linux Open Source - ICT-TL, 2008;
8. Asia Source ICT Camp, Manila 2009;
9. Governo Electronico, Maputo 2011;
10. ICT ba Lideransa, DNICT-UNCT, Dili 2012;
11. ICT ba Lideransa, DNICT-UNCT, Dili 2014;
12. Mikrotik, MTCNA Citraweb, Jogjakarta, 2016;
13. Laravel Framework, IMKOM Academy, Jogjakarta 2016;
14. GEMS Mobile, Bangkok 2019.
Esperiénsia iha organizasaun sira:
Membru juradu organizasaun luta estudante
nian RENETIL;
Membru Organizasaun Estudante Timor
oan nian iha Indonézia, IMPETTU;
Fundadór no ativu iha organizasaun
ICT-TL;
Membru Board ba organizasaun FDSL
(Timor-Leste Open Source).
Interese:
Iha ba múzika liu-liu instrumentu gitarra,
gosta toka dezde sei adultu, iha esperiénsia uitoan ba atividade toka no
involve an iha banda lokál balun hanesan Destino no sai additional player ba
Inferno.
Banda favoritu sira mak hanesan
Dream Theater, Mr. Big, Van Hallen, Extreme, Guns n' Roses no banda ho jéneru
modernu sira seluk. Koordenador ba DESIN Community. Relasiona ho interese ka hobby, sai autor ba muzika "Mai Ita Vota" nebe hetan fiar husi IFES (International Fund for Election Support) iha eleisaun antesipada 2018, Autor ba muzika Lae ba Covid19 no Knanuk WFP Timor-Leste. Nunee iha rasik mos fasilidade ba Home Recording iha uma nebe fo naran DoeroPro Studio.
Esperiénsia viajen Internasionál
sira;
Indonézia (Jakarta, Semarang, Salatiga, Solo, Jogjakarta, Malang, Surabaya, Denpasar, Kupang, Atambua), Australia (Darwin, Sydney, Canberra), Singapore, Philipina (Manila, Kavite),
Portugal (Lisboa & Fatima), Alemanha (Frankfurt) Italia (Roma), EUA (Doha), Tailandia (Bangkok, Pataya) no Mozambique (Maputo).
Família:
Iha 2008 hahú no deside hala'o moris
nu'udar família ho fen Guida dos Santos no oan mane nain rua, Rubio Borsana dos
Santos Soares (Ruby) tinan 10, Alviro Giano dos Santos (Kiero) tinan 6 no Lalu Ranesha dos Santos Soares tinan 1.