Rejistu SIMCARD ho nian Objetivu
Oras ne'e ita nian Autoridade Nasionál
Komunikasaun (ANC) implementa hela polítiku ida liu husi kolaborasaun ho operadór
Telekomunikasaun sira hanesan Timor Telecom, Telkomcel ho Telemor atu ho obrigatóriu
husu ba konsumidór hotu-hotu tenke rejistu SIM Card telemovel ne'ebé distribui
ona ba kliente sira. Prosesu ida ne'e konsidera hanesan polítika di'ak ida
ne'ebé ita nian autoridade ida ne'e halo no sei bele minimiza no evita aktu krime
ruma ne'ebé bele akontese kualkér tempu liu husi utilizasaun meius komunikasaun
sira. Sosializasaun ba konsumidór mak liu husi SMS husi operadór ba kliente no parte ANC rasik halo publisidade
balun liu husi Televizaun nasionál , inklui mós mídia imprime sira. Iha prosesu
ida ne'e ANC no operadór sira estabelese kritériu balun hanesan: 1. Kada ema
ida so bele iha de'it SIM Card 5; 2. Labarik idade menór idade sei rejista nia
Sim Card ho Aman ka Inan nia kartaun identidade; 3. Kliente ne'ebé utiliza SimCard
tenke aprezenta kartaun identidade ruma no operadór sei arkiva hela kopia husi kartaun hirak ne'e;
4. Loron ikus ba prosesu mak dia 31 Dezembru 2017; 5. Sekarik SIM Card la
rejistu to'o data refere mak automátikamente Kartaun ne'e sei hetan blokeiu. Kritériu
hirak temi iha leten aplika lahós de'it ba sidadaun nasionál maibé inklui mós
ema estranjeiru sira.
Polítika ida ne'e pelumenus sei lori vantajen ba ita
liu-liu parte kompetente sira hanesan Polisia, Ministériu Públiku no Tribunal,
sekarik iha futuru mosu kazu krime ruma nabee iha indikasaun katak utiliza ka
envolve fasilidade komunikasaun iha hala'o aktu ruma. Ho nune'e sei fasilita
liu parte kompetente sira iha prosesu investigasaun no buska ba evidénsia sira.
Posibilidade ba aktu civil ka
krimi sira nebe envolve meius komunikasaun mak hanesan ema ruma Manda SMS ka
halo xamada vóz hodi ameasa ka insulta hasoru ema seluk, konteúdu komunikasaun
ba asaun korrupsaun ruma no seluk tan.
Iha sorin seluk prosesu ida ne'e mós
bele konsidera hanesan aktu konsensializasuan ida ba ita nian komunidade atu
bele uza meus komunikasaun ho responsabilidade no edukativu liu tan. Fenómenu
global ida nebe ohin loron koñesidu mós media social, pelu menus' iha mayoria
media social automatikamente halo sinkronizasaun ba númeru SimCard sira.
Alem Sim Card utiliza ba SM, xamada
vóz Sim Card mós utiliza hodi asesu ba Data hodi asesu internet ho fasilidade
rede 3G no 4G nebe operadór sira ohin
loron fornese ona ba konsumidór sira.
Husi hanoin badak sira iha leten,
hamosu pergunta ida, Prosesu ida nee serake ANC halo mós ba Internet Provider
ki'ik nebe namkari iha ita territóriu nasionál ?? Ohin loron ho prezensa
teknolojia Smartphone ho fasilidade ba interface oin-oin dalaruma ema laos ona
uza metode konvensional sira hanesan manda testu SMS simples ka halo xamada vóz
ho numero anonymu ka uza hotu Simcard depois soe lakon. Maibe iha mós potensia
seluk hanesan utiliza media sosial sira hadi insulta no atake ema liu husi ID
anonymu husi rede internet nebe la'os parte husi operadór nian. Espera Loron 30 Dezembru 2017 loron ikus
na rejistu Sim Card sira maibe 31 Janeiru 2018 bele hanesan loron ikus ba
prosesu rejistrasaun no identifikasaun ba ISP sira atu nune'e bele minimiza
aktu irresponsavel sira iha no ema hotu bele utiliza meús teknolojia no
komunikasaun husi parte pozitivu nian. Ramata
Comments
Post a Comment